趙碩之帶導彈攻美
巨乳女神趙碩之登台酬勞急升50%！她無懼恐怖襲擊，與黎耀祥齊齊赴紐約登台搵真銀，日前更秘密試靚衫，谷到盡倒奶出擊。
自從恐怖大亨拉登被殺後，各方均擔心美國境內的安全問題，偏偏趙碩之膽生毛，於今天出發赴紐約登台，她說：「今次係第三次去，唔會擔心安全問題，目前嚟講我覺得工作好緊要，冇嘢緊要得過做嘢，（屋企人會否擔心？）唔會，佢哋信得過我識照顧自己，咁仲有經理人陪我嘛！」日前趙碩之秘密試衫，谷到盡再「攝攝吓」，實行谷盡「導彈」抗衡恐襲。
酬勞升呢
能夠推動趙碩之勇敢赴美，最大原因始終是酬勞大升呢，未知是否受即將推出寫真集的影響，此行的酬金較前加足50%，她說：「我好滿意呀！主辦商仲好好，冇話要求我性感，不過自己都會做到足，打扮得養眼啲，總之以最靚一面示人。」
趙碩之直言今次和黎耀祥合唱，自己早已苦練飲歌，她說：「祥仔把聲又厚又靚，唱歌好好聽，我都唔可以偷懶，練咗幾首廣東舊歌，仲有啲英文歌同國語歌，一於配合唔同觀眾嘅口味！」趙碩之自言很少賭錢，因她捨不得將辛苦錢放於賭枱上，不過今次難得到賭城登台，她決定一試運氣，順便當作開開眼界。
文：影視組