Mr.慣性捱轟隨心冇顧忌

樂隊Mr.每次新歌派台總遭網友踢爆涉抄歌，剛推出新專輯的Mr.坦言做定心理準備被挑剔，揚言香港有言論自由，卻強調這些問題不會影響五人心情，並暗寸網民在雞蛋裏挑骨頭。

Mr.為配合七月三及四日兩場演唱會，日前推出與演唱會同名的《People Sing For People》新專輯，由於Mr.經常被網友踢爆抄歌，問到擔不擔心又遭指摘？成員Dash說：「發現每次有新歌就有呢啲報道，隨心啦，唔需要有太多顧忌。（惡意挑剔？）香港有言論自由，同埋阻止唔到，總之我哋唔受影響。」主音Alan承認當初曾為批評不滿，他說：「依家發覺愈來愈雞蛋裏挑骨頭。」

成員Tom日前被踢爆向o靚模女友蔡穎恩提出分手，問到Tom現時是否單身？醒目的他說：「我依家係傷身，因為成日唔夠瞓。」身旁的四位好兄弟即「你一言、我一語」為他解圍，而MJ承認與前女友卓韻芝分手一年，至今也未有着落。