Baby扮熟怕起價趕客
潮模Angelababy昨日突然「熟女」上身，一個老成Look現身海港城活動，最近登上福布斯2011中國名人榜第88位的她，直言不敢大幅加片酬怕趕客，同時她又認為自己一直很努力，登上福布斯與黃曉明毫無關係。
Baby昨日以一身成熟打扮出席海港城「Admit Your Love」2011的廣告發布會，問到為何穿得如此老成？她說：「我係第3年為海港城做代言人，着得老成少少代表我長大咗。（酬勞都長大咗？）都係跟通脹加。（拍戲嘅片酬都跟通脹加？）拍戲嘅片酬係隨住我努力增加，不過唔會好高，自己仲係新人，唔想嚇走晒啲人。」
為錢傷親情
日前福布斯公布2011中國名人榜，黃曉明榮登第11位，而Baby亦榜上有名排88位，不過她就否認自己全靠「曉明女友」之名，她說：「有8成係因為我有努力，2成係其他原因，我經理人Kim都有份！」Baby讚揚自己的努力，又不忘讚曉明樣樣都「好勁」，包括個人事業同理財方面，而擁有彩甲店的Baby就卻未有向曉明交流理財心得，她說：「冇時間，自己生意都好忙，差啲同媽咪鬧交，希望下年我喺榜嘅排名繼續向前行。」
恨拍陳可辛
此外，Baby透露近日接了三部電影，至於會否想與黃曉明合作？她謂要看劇本和導演，Baby又表示非常期待剛在康城電影節大獲好評的《武俠》，稱很想與陳可辛合作，問到她會否減片酬接拍對方的電影？她說：「呢個係一個好機會，錢唔係問題，對演員嚟講有啲戲係賺錢，有啲戲係學習。」
文：名人組