楊梓瑤處女下注 Jeana邪招博發
今晚六合彩一億彩金令全城瘋狂，連未買過六合彩的「浸大E神」楊梓瑤（Carol）也處女下海，帶埋來自台灣的師妹徐自璇（Cindy）到投注站碰運氣。還有o靚模何佩瑜（Jeana）更出事業線，以邪招博中獎。
六合彩連續八期冇人中頭獎，彩池勢必煲大，預計今晚一注獨得頭獎可獲一億元巨額獎金，頓令全城掀起瘋狂橫財熱，從未到投注站的Carol也要湊熱鬧，望一夜進身億萬富婆行列。
被途人狂(目及)美腿
Carol見機不可失與來自台灣的師妹Cindy齊碰運氣，兩女冒着悶熱天氣到中環史丹利街投注站，不辭勞苦在街邊排隊等候落注。二人入到投注站畫飛時，Carol顯然是六合彩盲，一張飛畫了同一組冧巴兩次，在旁的經理人笑她超低能，Carol也不禁說：「我係咪勁搞笑呢？」最終二人各自攞出40元博一博，橫財夢未發，身穿背心裙的Carol卻被途人狂(目及)白滑美腿，提前「派彩」給途人。
Carol說：「真係好多人，我都見到有人望我，唔緊要啦，希望可以帶到luck畀佢哋！」6月23日生日的她，心水冧巴是6和23，她說：「一億喎，幾時賺到吖？今次畀人知道我買乜冧巴，如果中咗想走佬都幾難！」
而今年有份出寫真的o靚模「嫩版范冰冰」何佩瑜（Jeana）及「爆E超蓮」鍾采羲（Iris）也分別到銅鑼灣投注站買六合彩，Jeana更露事業線「邪一邪」，望一注獨得打跛腳唔使憂：「一億喎，平時唔買都要買啦，希望馬會好似我本寫真咁唔係令人流血，而為放血，大派獎金！」Iris則說：「如果我中咗會捐三分二出去，其他留畀雙親同自己用。」
Jason Ella靠電腦
歌手陳柏宇（Jason）則帶師弟林奕匡到投注站發橫財夢，Jason長期畫飛但冇次中，所以今次買電腦飛一試運氣。官恩娜（Ella）則表示獎金豐富，希望用廿蚊發個億元夢。至於一同拍劇的趙碩之和趙彤則同樣希望可以中獎環遊世界。
Carol心水冧巴：6 16 17 33 37 40
Jeana心水冧巴：14 21 25 30 42 47
Iris心水冧巴：3 6 13 16 23 32
文：專案組