諸葛飛韓公幹爆男友掛到喊
諸葛梓岐（Marie）自爆剛到韓國工作，男友薛嘉麟想她想到眼濕濕，不過她就拒絕透露婚期，但就自言已將愛情轉化成家庭一部分，此話一出，未嫁的Marie已是半個薛太呢！
昨日時裝品牌Escada舉行2011初秋系列活動，大會請來Kee Club太子女龍殿兒、「第四代Canon女」Alice B.、Amanda S.及戴妮廷等出席，品牌更特別送上早前畫下的彩繪肖像給她們。其中穿上性感露膊裝的Marie透露剛從韓國拍攝飲食節目十多天，問到男友可有掛念？她笑說：「佢好掛呀，掛到眼濕濕，不過我嚟緊又要去台灣拍劇喇，（同邊個合作？）暫時唔講得住！」記者問她可會請教「嫂子」陳法拉演技？她即煞有介事地說：「佢好忙o架！」她又自爆早前在港台拍攝的單元劇在芝加哥獲得獎項，為她打了一支強心針。
將家庭排喺第一位
此外，談到婚期時，Marie再次展露甜蜜笑容說：「唔好問我啦，畀番少少神秘感我，（婚後家庭同工作點安排？）我個人首先會排家庭第一位、然後事業同朋友，每樣佔30％，（咁愛情呢？）愛情咪即係家庭，而我就永遠將自己排喺最後嘅10％。」
Alice信任王友良
至於同場的Alice B.被問到與王友良的緋聞時就否認其事，並強調二人是朋友，但卻不排除發展機會，她說：「話我住佢租畀我嘅屋，我都想呀，（對佢有咩感覺？）佢幾靚仔呀，（有冇機會？）世事無絕對，將來嘅嘢冇人知，（佢借你見報？）我識佢一段長日子，好信任佢！」
文：名人組