玉腿掌門人

夏日炎炎，穿上今夏至Hit的短打自然分外涼快，今年各大時裝品牌的設計師均力煲誘人短打，圈中女星名模亦紛紛以靚腿演繹。陳嘉容大讚江若琳牛女Look充滿時代感和少女味，蔡穎恩（Evelyn）則青春無敵，甜美可人。

橙襯啡再配深色牛仔褲啲色好夾，加埋對Booties，好有牛仔青春氣息，髮型同化妝都好襯，成個Look好有時代感同少女味。

件Tee太長，如果短到去肚臍位，露番條腰線出嚟，成個人嘅線條會拉長啲，身形比例會靚啲，顯得個人冇咁細粒。

黑色撞桃紅色本來係絕配，但咁着冇咩時代感，對鞋出咗事，失咗個型格嘅效果。換對長Boots又或者Ankle boots，成個感覺會型好多。

太普通，條褲騷到佢對長腿好靚，不過件衫冇咩線條，騷唔到佢個身形，換件粉紅色背心會更青春、更Sweet同搶眼。

同佢平日嘅打扮唔同，今次有啲老，件牛仔背心好夏日，但入面嘅Colour感覺就好秋冬，轉彩藍色或者白色會Sharp好多，同埋Fresh啲。

陳嘉桓	Angelababy

一身打扮幾得意，係佢呢個年紀同形象先襯得到，同佢甜美嘅樣好襯，只係配咗條頸鏈已經好好睇，因為裙同鞋都有Pattern，其他嘢就唔可以咁花巧。

唔夠Fashionable、佢身形好好，對腳好靚，可惜條褲隻色唔襯，換條白色短褲襯佢身上嗰件粉藍色衫會靚好多。

唔靚，本身條連身短褲ＯＫ，但對鞋襯得好肉酸，入面件背心個領可以低啲，手袖位捲番高啲，令成個比例靚啲，對鞋換對簡單款嘅Platform高踭鞋會好睇好多。

陳嘉容，香港著名模特兒，曾為各大國際品牌行時裝騷，在時裝界打滾多年，對時裝方面的認識無論是理論方面還是實戰都難不到她，近年更為電視時裝節目擔任主持，化身Stylist教人配襯衣着打扮。