傅穎享受出汗打上癮
弱質纖纖的傅穎（Theresa）最近迷上打拳，貪其運動量大，可於短時間內極速瘦身，雖然很易傷痕纍纍，但能夠換來弗到漏身形，相信各位女士亦願意付出汗水。
Theresa除了間中打羽毛球外，平日甚少做運動，不過去年因一首快歌《加加夫人》而令她改變。她說：「因為件歌衫好貼身，又要露成條腿，太肥上鏡唔好睇。咁啱有個朋友係做打拳training，咪上去佢度試吓囉！」Theresa一試上癮，一星期上課三天，雖然期間不時撞瘀手腳，但她非常享受：「我好鍾意出汗嘅感覺，好正！咪當排毒，仲可以減磅。有時想發洩就打吓沙包，踢完好舒服，但第二朝攰到攤屍咁，周身痠痛。」
Theresa叮囑大家切忌進行劇烈運動後進食，因運動後兩小時內，身體最易吸收營養。她謂：「最好兩個鐘之後先食，就算食都唔好咁heavy，沙律或者簡單食物都OK。」