周秀娜趁病攞命追殺雷凱欣
雷凱欣與周秀娜（Chrissie）兩位巨咪女神衝出香港殺入康城電影節，前者強忍腰傷之痛於康城造勢，Chrissie雖然未有遠赴當地，但其擔演的新作片花卻於攤位熱播，比堅尼上陣的她盡騷驕人身材，兩人雖未有同場比併，但也要來個「隔空鬥波」！
【戴佩玉康城直擊】於電影《3D肉蒲團之極樂寶鑑》豁出去露兩點的雷凱欣，雖然該片上映4周錄得3千多萬票房，令她搖身一變為千萬票房女星，但被懷疑假露點因而壓力爆煲，於出發康城時又避開傳媒入閘，不過抵達康城後卻心情大靚，前日聯同拍檔周防雪子及兩名外籍女子，於康城大街派發紙巾吸引大批途人圍觀。
腰傷行路似大肚
首次到康城的雷凱欣不時托腰走路，惹來大肚疑雲，她連聲否認稱只是扭傷腰，更謂：「醫生叫我唔好坐長途機，所以早排澳洲宣傳都冇去，以為好番之際，冇諗過今次要先飛去多哈留19個鐘，再坐10幾個鐘飛機先到呢度，搞到舊患復發，所以將件衫綁住腰扮腰封囉！」將於周一離開的她，表示若然機票未能作出妥當安排，為免傷勢惡化，寧願自掏腰包買直航機票回港。
慳妹上身的她笑指未有兌換外幣，準備全程靠黐，問到現時心情是否有好轉？她謂：「冇話好唔好，呢段時間多謝家人支持，嚟呢度可以清靜下，之前忙咗10個幾月，身體變差，所以完成宣傳後想暫時退出去學語言同手藝（依家唔做咪好可惜?）唔會，順其自然啦！唔覺得咩係可惜，不過有好劇本都會挑戰自己。」
周防雪子失行李
一臉失落的周防雪子表示行李不翼而飛，故除了底衫褲外，一身衣服幾天也未能替換，幸而航空公司承諾會把行李送到酒店，寄望能趕及於新片派對前裝身扮靚，更謂：「我未去過咁遠嘅地方，不過身上只有一萬日圓，唔敢買嘢。」
而Chrissie新作《熱浪球愛戰》將於今年暑假上映，率先於康城擺攤位，除了宣傳海報外，一段兩分鐘的片花亦同時曝光，片中不乏性感及拳頭戲份，Chrissie不時向男士派冰淇淋之餘，更有食波餅鏡頭，與警鐘胸名模Jessica C.穿上比堅尼撲波，一臉認真的Chrissie還弄至面容扭曲，據知該片將加入3D效果。
而由甄子丹擔正的電影《大鬧天宮》，亦登上雜誌《Screen International》、《The Hollywood Reporter》，雖然該片明年才上映，但已找來張叔平設計海報，於康城曝光的海報大玩神秘沒有任何主角的樣貌，據知是為了明年再度出戰康城所致。
文：影視組