李亞男行性感唔賣祖藍帳
【羅婉玲澳門直擊】前華裔小姐冠軍李亞男出席護膚品牌活動時，低胸露事業線秒殺圍觀者，漠視男友王祖藍感受，樣靚身材正的她還大彈祖藍皮膚差，完全冇面畀！
李亞男（Leanne）和無綫處境劇《誰家灶頭無煙火》男演員陳智燊（Jason）昨日現身澳門出席CLINIQUE護膚品活動，身穿白色吊帶低胸短裙的Leanne，烏低身玩遊戲時露出事業線，十分惹火，令圍觀者大吃冰淇淋。
彈男友皮膚差
她表示着衫會視乎場合，不會刻意性感上陣，男友王祖藍亦不會干涉衣着，問可有幫男友買護膚品？李亞男竟大彈祖藍皮膚差，笑說：「唔會，不過試過一次同佢一齊做facial，佢啲皮膚唔算太好，相信同佢工作太忙有關。」
並非手下敗將
至於被封為「溝女王」的Jason，被指連溝無綫四花旦：陳茵媺、孫耀威女友陳美詩、宋熙年及李璧琦，他大呼無辜說：「令身邊女性朋友成為焦點，覺得唔好意思，我依家單身，會以事業為重。」問是否曾和四女拍拖？Jason強調：「同佢哋純粹係合作過嘅同事，冇拍過拖，自己亦唔係孫耀威嘅手下敗將，因為我冇追過陳美詩。」
問他可喜歡「溝女王」的封號？Jason坦言：「唔係咁好，有負面感覺，不過如果工作有合作，我唔會刻意避忌同緋聞女友們出街食飯。」他謂倘若有真命女友，會先問經理人意見，才決定是否公開戀情。
文：音樂組