敖嘉年、謝雪心、珈穎昨日出席活動，有指敖嘉年成功執陳山聰二攤，出演無綫台慶劇《回到三國》飾演孫權一角，問到有指對方因要於英國陪何超雲時，他說：「公司同我講因為佢屋企有事。（佢呃你？）唔係，都唔係佢同我講，係公司同我講，都未必係呃。」
事後本報致電樂易玲，她對陳山聰易角一事說：「佢以家人為由請兩三個禮拜假，（為拍拖？）報道寫啫。（追究？）唔會，事實係佢屋企有事，佢咁大個人識處理感情事！」
