浴衣踢拖 餵到埋口 樂瞳接旨尷尬送吻
人氣爆燈的樂瞳及Akina昨日現身海港城，為電腦遊戲展穿上浴衣踢拖示人。活動上司儀要求樂瞳公開送吻，令她感到尷尬，她說：「都幾尷（尬），唔慣囉，可能想我熱情啲，但我唔會立亂送吻，錫落紀念品度都唔衞生啦！（怕有人拎紀念品嚟錫，幻想同你咀？）人哋點做控制唔到。」
單身享受工作
樂瞳又指近人氣急升，工作量大增，她說：「冇計過多咗幾多收入，我開心係多咗曝光機會，（收入好過之前做歌手？）做歌手時都多嘢做，都畀到我好大滿足感。（男友投訴冇時間陪佢？）我都冇男友！依家享受工作，拍拖隨時都得。」
Akina自斷後路
Akina則大方承認有男友，她說：「我有個拍拖一年多啲嘅男友，佢得閒都會陪我出活動，（佢唔介意你性感？）佢想我密實啲，但工作需要，扮錫都OK，但肌膚之親盡量唔好。」
文：影視組