上山詩鈉撐阿聰無辜
莫少聰與孫興涉毒案昨有新進展，前者雖已獲釋，但後者則因毒癮勒戒，而未能跟聰仔同日呼吸「自由空氣」，兩人的圈中好友大表關心。
莫少聰舊愛上山詩鈉：「覺得佢好無辜，佢係一個好正派好健康嘅人，如果佢真係吸毒，點會年年都咁有氣力跑馬拉松同埋keep得咁好？（傳佢去外地避靜？）阿聰信佛，如果佢去另一個地方靜吓唸吓經係好事。其實佢咁多年都冇咩負面新聞，希望大家唔好因呢件事而對佢有負面印象。」另外，她不避嫌在微博以親愛的稱呼阿聰，盼他好好照顧自己。
曾華倩：「我同孫興第一套合作係台灣劇《希望之鴿》，《希》劇亦係孫興喺台灣走紅嘅代表作，之後我哋雖冇聯絡，但當然都關心佢。印象中孫興好搞笑、開朗，所以知佢有毒癮我都好愕然，希望佢可以反省。」
張國強：「唔知聰仔出咗嚟，不過一定會打電話畀佢。今次呢件事一定對佢有得着，我哋作為旁觀者都幫唔到啲乜嘢，但係佢可以十五日就出到嚟，證明佢冇外間想像中咁壞。至於孫興，我真係唔識佢。」
任達華：「希望莫少聰今次吸取大教訓，唔好再重蹈覆轍。每個人都有錯誤同失敗嘅時候，希望佢會重生，咁我都會支持佢。（同佢聯絡？）或者去佢微博留言祝福佢。」
