駱達華開心執孫興二攤
孫興因涉毒被拘留，令原本參演內地電影《給野獸獻花》的警察一角，已改由駱達華頂上。身在橫店開工的達仔稱，早年曾見過孫興兩、三次，覺得對方人緣好又樂觀，當得悉他有五年毒癮大感驚訝：「我都跌眼鏡，希望件事快啲過去，佢亦唔好再掂呢啲嘢，因為會摧毀佢演藝生命。今次件事揚咗，估計佢都要抖抖先可以再復工，（介意執二攤？）唔介意，不知幾開心！好多年都冇拍電影，同吳孟達、林雪合作得好好。」
另外，與孫興早年一齊參選亞視《電視先生》的姜皓文（黑仔），昨日與陳秀雯出席舞台劇宣傳活動。黑仔表示：「我哋都好關心孫興，想幫手但又唔知做到啲乜，我打過電話畀佢個女，佢女都好大，有廿幾歲，但佢好低調，只係講冇咩新進展亦冇新消息！」而陳秀雯則稱○八年拍亞視劇《法網群英》，至今仍未收到七位數酬勞。