薛凱琪挑戰嘉玲 后起之秀吐戲揚眉
薛凱琪、劉嘉玲、楊千嬅、湯唯及何超儀，大多數拿過外地電影獎項，如今鬥至本地金像獎，看看是否薑愈老愈辣，還是薛凱琪與千嬅兩位影壇「后」起之秀有機會得獎。
首次打入金像獎候選影后之列的薛凱琪（Fiona），從《早熟》、《摯愛》、《新紮師妹3》至《分手說愛你》，漸見演技進步，早前更憑《分》片奪越南影后及演藝人協會傑出表現女演員獎。
面對勁敵金雞影后嘉玲、電影評論學會影后千嬅，以及西班牙影后超儀，雖然Fiona也挾越南影后之名上陣，但對於金像獎影后，Fiona坦言沒有多想：「唔會畀自己任何壓力，拍完套戲已終結，唔可以做啲嘢令自己更加好，所以就唔好諗，盡量享受呢個蜜月期。」
感激拍檔祖名
Fiona更逐一分析「敵人」：「個個嘅作品都好適合演出者。好似嘉玲就有嗰種氣勢，超儀角色就好瘋癲，湯唯就好多感情內心戲，但又演得幾淡然，千嬅就做一個好大膽同率直嘅女士，呢部可以話係佢入行以來最特別嘅演出。」Fiona指千嬅於提名作品《志明與春嬌》的演繹手法，已跳出了從前框框，故睇好對方稱后。Fiona不諱言能夠吐氣揚眉，拍檔房祖名絕對是最大功臣：「呢部戲賣點唔係型男靚女，係寫實，大家事前冇夾過，所以一嚟情緒就好自然觸動到。可以話如果唔係祖名，我係唔可以有呢個效果。」
嘉玲霸氣取勝
千嬅雖被Fiona睇好，但她表示不敢多想：「我承認理解角色能力比以前有改變，同導演溝通多咗，再加上今次個故事似自己發生過，實在感好強，畀到唔同感覺大家，以前說服力未必咁強。」千嬅睇好嘉玲出線，大讚對方演繹歷史人物武則天霸氣十足，非以意識形態取悅觀眾，亦非每個鏡頭也很猙獰，演出精彩。
劉嘉玲
《狄仁傑之通天帝國》
角色：武則天
賣點：演繹歷史唯一女皇帝，霸氣十足，入型入格。
難度分：75
湯唯
《月滿軒尼詩》
角色：愛蓮
賣點：湯唯化身宅女，將一段平凡愛情故事處理得恰如其分。
難度分：60
何超儀
《維多利亞壹號》
角色：鄭麗嫦
賣點：演變態殺人狂魔，處理角色情緒時非常到位，令人不寒而慄。
難度分：80
薛凱琪
《分手說愛你》
角色：阿花
賣點：再度夥拍緋聞男友房祖名，兩人真情演繹，輕易讓人流下眼淚。
難度分：70
楊千嬅
《志明與春嬌》
角色：春嬌
賣點：已為人妻的千嬅，演繹中女角色時亦能散發出少女懷春的心態。
難度分：65
薛凱琪髮型：Jo Lam@Stage
化妝：Jessica Chan
楊千嬅髮型：Vic Kwan@Hair Culture
化妝：Ling Chan@ZING the Makeup School
場地：星宴@W Hotel
服裝：IZZUE
場地：L16 Cafe & Bar
文：影視組