栢芝陪老公「型」戰金像獎
頒獎禮舉行在即，謝霆鋒跟張栢芝除忙於四出搵戰衣，亦不忘外遊減壓，據悉他們上周日帶同兩個囝囝到曼谷曬太陽，乘機減壓享天倫。有粉絲更於當地Siam Paragon撞到霆鋒，霆鋒亦跟對方大方合照（圓圖）。前日返港的霆鋒送妻兒回家後，馬上返其電影及廣告製作公司「PO」開會。
有指他已落實買名牌西裝出席頒獎禮，其助手透過電話訪問表示霆鋒會以型仔造型現身，並以平常心面對賽果，最重要係參與及支持電影業。雖然霆鋒兩個囝囝因年幼而要留在家中睇電視直播，但栢芝已決定調工作，陪老公踏上金像獎紅地氈。
另外，拉姑昨晚六時半偕老公鬍鬚Kong到中環醫肚，逗留了近一小時，問她可會睇好霆鋒攞影帝，她說：「梗係睇好喇，做阿媽梗係支持架！你哋都要支持呀！」