發哥喊完再戰 軍服look開齋

任你演技如何了得，攞獎要夾啱timing，不一定手到拿來。周潤發與劉青雲公認好戲，不過要當影帝，亦不免一番等待。今年的準影帝周潤發，當年曾三度提名均告落敗，揚言要回家「大哭三日，之後繼續努力」。87年再接再厲，憑《英雄本色》提名，他隨便選了一件軍褸便服出席頒獎禮，天意弄人，偏偏他在該屆脫穎而出，他得獎後說：「我提名過三屆，等咗三屆，今次喺毫無心理準備下得獎，遺憾着得咁隨便。」

最「遲」影帝

至於劉青雲，等待的時間就更長。他可是金像獎提名常客，卻總是欠缺臨門一腳，擁有影帝實力，卻無影帝之名。劉青雲在07年的第26屆憑《我要成名》得獎，他領獎時不忘自嘲一番：「我諗大會會畀多少少時間我，話晒我都等咗咁多年。」之後青雲又幽默的說：「我入會場嘅時候，見到『薪火相傳』四個字，覺得自己攞影帝都唔定，因為要接黃秋生哥哥、郭富城哥哥同梁朝偉哥哥棒……。」

發哥在二十屆金像獎中任嘉賓，興奮地將影帝獎座頒給梁朝偉。

張家輝演藝地位日益鞏固，他不忘感謝太太的支持。

作「販」影帝

梁家輝84年憑《垂簾聽政》在第3屆稱帝，但之後星途不順，曾轉行當小販。94年黃秋生拍《八仙飯店之人肉叉燒包》奪影帝，之後他曾稱奪獎後衰足三年。

梁家輝對上一次稱帝在四年前，影后則是周迅。

劉青雲等了多年終圓影帝夢，情緒分外激動。

不過第28屆得主張家輝則對「金像魔咒」卻有另一番見解：「最佳演員一係好，一係做小販，若果我真係做小販，請大家記得第28屆香港金像獎最佳男主角係張家輝，多謝去世嘅家姐同我太太，佢照顧小朋友照顧得好好。」

最「慢」影帝

至於92年憑《雙城故事》於第11屆稱帝的曾志偉，行動緩慢地上台領獎，他解釋：「怕畀人開玩笑，如果對方大聲說最佳男主角是曾志偉……的好朋友，未講完我就馬上站出來，到時好瘀，所以待全部說話講完才上台領獎。」

玩人玩得多，往往便要提高警惕，免得被報復。

文：影視組