呂慧儀升cup晒料 高海寧膊輸
呂慧儀昨日以超低胸裝出席新一屆香港小姐招募記者會，波濤洶湧的她胸贏「咪神」高海寧。另提到買樓一事，她大呻買樓似揀男友一樣難！
歷屆港姐包括呂慧儀、高海寧、葉翠翠、陸詩韻、陳倩揚及楊洛婷等，聯同應屆港姐冠亞季軍陳庭欣、張秀文及莊思明昨日齊在尖沙咀出席《2011香港小姐競選》記者會，為新一屆港姐展開招募。
向翠翠偷師
呂慧儀以Deep V裙騷胸亮相，大晒四吋事業線兼殺氣騰騰行catwalk出場，撼抵僅以露膊裝亮相的「咪神」高海寧，搶盡「峰」頭。呂慧儀也自覺服裝性感，但指服裝是公司安排，她又自爆近期因拍飲食節目增磅，上圍升了一級變得更有睇頭。
本報昨日披露現持有兩個位於屯門物業的呂慧儀又出動睇樓，目標直指市值約四百萬的深井碧堤半島，對此她表示：「未買，只係去睇樓搜集資料，想買向海嘅，買樓好似揀男友咁難。」問到會否請教投資有道的師姐葉翠翠？她說：「我都想請教佢，自己鍾意買磚頭保值，手上物業都係自住同埋畀屋企人住。」問翠翠有甚麼投資心得？她認為現時樓價太高，故不會買樓，透露反而有物業正在放盤。
肥下唔肥上
至於高海寧講被問到「峰」頭不及呂慧儀，她說：「近來肥咗，不過係肥下唔肥上，升錯咗位，等我keep番弗啲先性感啦。」
而大會監製何小慧透露港姐外景原本考慮過到日本沖繩拍攝，但因日本地震，現正考慮台灣環島遊，她又指海外佳麗反應理想，有四百多人報名。
文：影視組