林建名女兒林煒珊昨日以第四副主席身份出席仁濟就職典禮，她說去年因為忙於湊女，故很多活動都被迫缺席，承諾今年會更為積極，但因為要同時兼顧工作、仁濟和女兒，故必須謝絕其他應酬，她說：「囡囡下星期就一歲，已經識得叫爸爸媽媽，但係對住我叫爸爸，對住老公就叫媽媽，都唔知佢係咪專登嘅。（湊女辛唔辛苦？）未算辛苦，等佢兩歲識行就會辛苦啲。（搵咗學校未？）搵咗啲，但未決定，要睇佢性格，佢比較乖。（會唔會再生？）會，希望畀囡囡有個伴。」
