郭政鴻關心：希望佢幸福
滕麗名與郭政鴻於07年拍無綫劇《野蠻奶奶大戰戈師奶》撻着，08年在監製梁家樹大女婚宴上因一張面貼面照片，關係才正式曝光。09年，鴻仔與阿滕「交往」期間，被爆與一名內地女子育有一女，當時鴻仔更被拍得抱着只有九個月大的囡囡去申請回鄉卡，懵然不知的阿滕即劃清界線自稱單身。直至去年二月，二人出席導演婚宴時又再同場拍照，但兩個月後，鴻仔又被拍得摸黑到阿滕家，關係耐人尋味。
鴻仔昨日接受電話訪問時表示不知阿滕有新歡，雖然「分手」多時，但鴻仔不時問記者：「佢哋約會情況係點？啲相拍成點？」明顯仍非常關心「舊愛」。已擁有家庭的鴻仔被問是否想阿滕快快有個好歸宿？他說：「係咪需要結婚組織家庭就要問番阿滕自己，我當然希望佢幸福！」