徐淑敏獻計幫老公止血

日本東北發生9級大地震，受到輻射影響，香港的日本餐廳生意亦嚴重受挫，徐淑敏丈夫黃浩有份投資的高級日本料理《銀座鮨久》也不能幸免，黃浩表示日本地震後最初生意額不跌反升兩成，皆因熟客認為趁食材未受輻射污染之前運抵本港，可以「食得就食」。

與總廚吵大鑊

可是數日後生意就暴跌七成，每日勁蝕五位數字，為了止血，黃浩決意實行「一刀切」，將食材的來源轉從別的國家入口，龍蝦選用澳洲、鮑魚則用南非。

黃浩與日本總廚更因轉換食材來源「吵大鑊」，但基於生意角度亦無可厚非，最終總廚被勸服。由於貨源改變令成本減輕及餐價減低，生意額才稍為回升，黃浩更苦中作樂笑言選用澳洲食材，店舖不如改為「雪梨鮨久」。

保住大家飯碗

徐淑敏對於丈夫的食肆受到影響，坦言相當擔心，曾經擔任飲食節目主持的她，對生意管理亦略懂一二，她說：「我都怕老公盤生意有出冇入，我都有畀意見，依家食肆主攻鐵板燒，刺身師傅就調往台灣嘅料理食肆主理，依家唔入日本食材都係暫時性，希望總廚同其他同事明白，呢個方法可以保住大家飯碗。」

文：影視組