G.E.M.個唱飛一粒鐘內搶清
G.E.M.昨日到電台接受訪問，對於演唱會門票昨日公開發售一小時內售罄，她表示非常興奮，並希望加場。問到有關嘉賓方面？她說：「仲未搵到呀，依家物色緊人選。（會唔會搵林宥嘉？）佢要出碟，唔得閒，我都冇搵佢，唔會叫佢嚟，等遲啲冇咁注意先合作！（想搵邊類型嘉賓？）想搵可以自彈自唱嘅男仔！」
歌衫方面，G.E.M.表示特地於英國請來時裝設計師，並說：「今次嘅衫同啲歌好夾，唔會扮小公主或者扮金魚咁o靚妹。（性感？）少少，唔會太低胸！最誇張嗰套會見到大髀，依家積極打boxing！」