三太新look亮相拒受訪
賭王何鴻燊三太陳婉珍昨日以東華第二副主席身份，出席東華三院董事局就職典禮，這是她自何鴻燊家族分產風波平息後，首次在公開場合露面，不過昨日東華的公關事先聲明三太不會接受訪問，似要避談有傳陳山聰用熊公仔向何超雲求婚一事。現場所見，三太換了一個新髮型，外貌看來年輕很多，差點令人認不出她來，三太雖然沒有接受訪問，但仍站定定讓傳媒拍照，並不時報以微笑，態度親切。
而三太秘書昨以電話回覆說：「超雲唔喺香港，返咗英國，佢定期要返去交paper。」對有傳陳山聰向超雲求婚一事，她表示不好意思，便匆匆收線。
王賢誌總理司儀一腳踢
首度成為總理的王賢誌表示，其父親王忠桐於2000年曾出任主席，因此他早在數年前已不斷接觸慈善工作，他說：「我喺94年已經幫東華做司儀，今晚嘅晚宴都會做，我諗我應該係第一個做埋司儀嘅總理。（完全放棄幕前？）暫時唔會做，好忙。（叫朋友支持東華嘅活動？）會叫，好似賣旗，都會叫圈內藝人參與。」對於陳鍵鋒炮轟無綫一事，他表示有看該報道，並回應：「其實我都離開咗咁多年，唔知佢講嘅嘢成唔成立。」