Joey約阿詩同遊 法男搭訕

Joey昨日以香港歌手代表身份出席「香港亞洲流行音樂節」記招，周筆暢、組合LOLLIPOP F、SJ-M、林俊傑、梁靜茹則分別代表中、台、韓、星馬出席。SJ-M因交通問題而姍姍來遲，比原定時間遲了一個半小時。他們到埗後由周覓上台用國語致歉，而籌委會主席吳雨表示日本代表AAA受地震影響而未能出席，特別向歌迷致歉。

買花畀自己

休假兩個月的Joey表示曾到訪法國、英國、德國及美國等旅遊，問到是否跟密友何韻詩同行？她說：「何韻詩只係其中一站，咁難得有機會去旅行，咪集齊朋友一齊玩囉！（情人節係咪一齊？）唔係，情人節喺法國，去一個朋友屋企食飯。（收花？）係我自己去花店買，不過今次都有啲法國男士主動同我傾偈，可能今次執一執過造型，好多男仔都睇外表呀！」

何韻詩	SJ-M遲到，一到場即「耍冧」補鑊。

否認揀工作

有傳Joey趁經理人霍汶希放假時放肆放假兼揀工作，她指早已向老闆請假，澄清跟經理人感情非常好。對於好友林峯被揭「床照」，Joey說：「我諗如果見到面會安慰佢，我諗都幾困擾，相信佢被人出賣。」

LOLLIPOP F活力十足，跳跳紮影相。

梁靜茹表示開心有份出席活動。

另外，SJ-M昨午抵港時獲數百名歌迷接機，造成機場一片混亂，八名保安難抵熱情歌迷，令經理人大叫：「別急！別急！」不過他們都禮貌地收起歌迷的禮物，然後上車返酒店休息。

文：音樂組