美詩秀惠 合照零交流
孫耀威（Eric）女友陳美詩及舊緋聞女友楊秀惠昨日齊出席電玩遊戲活動，前者露微波，後者騷長腿鬥搶鏡。兩女聲稱再度同場不尷尬，但主持儀式時，兩人搵另一嘉賓周柏豪做「中間人」，到兩女合照時，也是全程零交流，拍照初時還肯親近一點，差點肩並肩，可是其後卻愈企愈開，影完各自閃走。
與Eric食齋
問美詩早前楊秀惠抗拒和她合照？她否認彼此心存芥蒂，強調大家是朋友：「我哋拍劇時都影過合照啦，開工時大班人一齊食飯，唔會尷尬，（會同楊秀惠提起Eric？）咁又唔會刻意提，女仔多數都係講扮靚嘢。」
談及早前她被影到上Eric的七人車，美詩認為男朋友載女朋友好正常，有時會和朋友往Eric家食飯及打機。問她可會過夜？她說了兩次：「唔會嘞。」自言和Eric都是食菜（齋），大家都好健康。
聞婚訊恭喜
而楊秀惠解釋上次不想和美詩合照是不想有胡亂報道，因之前太多有關她身形及樣貌的報道，令男友不悅，故她要顧及男友的感受。問她可知Eric想娶美詩？她笑住說：「你（傳媒）講我先知，會恭喜佢。」問她和圈外男友的感情？她甜笑話：「非常好，好穩定。」但未有計劃結婚。
文：音樂組