徐靜蕾聞龍色變嬲爆離場
內地女星徐靜蕾早前被拍得與成龍「激咀」而成為一時熱話，昨日她出席減肥活動時，被追問此事時即場黑面，最後更嬲爆離場，場面尷尬。
徐靜蕾昨日穿上黑色貼身長裙出席減肥活動，簽約兩年成為代言人的她透露已從120磅減至110磅，很滿意效果。早前她被拍得與成龍在車廂「激咀」，當她被問及與成龍的緋聞時即黑面回應：「都講咗係假o架啦！仲問？係人都知係假o架啦！」此時大會人員亦幫她解圍，徐靜蕾續稱：「你哋仲有冇其他問題？如果冇，我要去做第二個訪問！」
好朋友關係
之後徐靜蕾接受電子媒體訪問，立刻換上笑臉面對鏡頭。但同樣被問及與成龍關係時，她冷淡表示與對方是好朋友關係，而身旁的工作人員亦一再重申只能問有關減肥的問題。有記者問她是否減肥變靚後，成龍更錫她？徐靜蕾再度黑面表示：「內地（記者）是跟你們學的！」然後起身走人，場面尷尬。
同場的曾志偉透露今天會舉行記招交代賑災事宜：「依家至少要搵到個場地先可以確定之後嘅事，今次日本大地震係一件世界大事，我哋都想做得徹底啲，令到大家可以有個反思。」他又表示已邀請相關人士創作一首賑災歌曲，屆時將成為大會的主題曲。
文：影視組