Mandy Lieu翹手等男友服侍

曾與G.E.M.的外籍唱片監製Lupo Groinig傳緋聞的Mandy Lieu，雖然已否認戀情，不過，前日26歲生日的Mandy，再被本報拍得與緋聞男友雙雙由女方的香閨步出，Lupo全程護送翹埋雙手的Mandy到街頭等的士，還細心為女方開車門，可見兩人感情浮面。
混血女模Mandy Lieu，擁有甜美面孔及fit爆身材，不愁冇人追求。（資料圖片）
混血女模Mandy Lieu，擁有甜美面孔及fit爆身材，不愁冇人追求。（資料圖片）

擁有甜美面孔的名模Mandy Lieu，與台灣小生陳柏霖分手多時，感情一直未有着落，但回復單身的她，曾自爆身邊不乏追求者。在今年初，Mandy被本報拍得與擔任G.E.M.的外籍唱片監製Lupo甜蜜買餸玩煮飯仔，雖然事後Mandy強調雙方只是好朋友關係，在前日Mandy的26歲生日，卻發現Lupo與Mandy齊齊由女方位於中環的香閨步出，未知兩人在前一晚是否一同倒數慶祝生日呢？

體貼開車門

前日下午2時許，戴上冷帽、一身黑色打扮的Mandy，與Lupo雙雙步出香閨到附近街頭等車，Lupo見沒有的士，於是再行前幾步截車，而Mandy則翹埋雙手站在旁邊等候，當的士駛至，Lupo隨即上前為壽星女開車門，氹得Mandy不時甜笑，目送完Mandy離開後才轉身走人。其後Mandy獨自前往上環的港澳碼頭，會合一名女友人搭船過澳門慶祝。

緋聞男友Lupo細心為Mandy開車門，盡顯紳士風度。
  • 緋聞男友Lupo細心為Mandy開車門，盡顯紳士風度。
Mandy與Lupo雙雙由女方香閨步出，沿途不時雞啄唔斷，狀甚投契。
  • Mandy與Lupo雙雙由女方香閨步出，沿途不時雞啄唔斷，狀甚投契。

否認齊過夜

甫到碼頭，壽星女Mandy發現記者拍照，心情大靚的她更反問記者：「你唔同我講生日快樂？」期間問到前一晚兩人是否雙雙過夜慶祝？她即否認：「唔係！因為我趕住去澳門，佢同我住得好近，佢知我生日，所以拎咗個mini cake（迷你蛋糕）上嚟畀我啫！如果佢係我男朋友，我點會放過佢呢？叫佢陪我過生日啦！」提到Lupo是否正在追求時，Mandy不承認卻不否認說：「一切順其自然啦！總之依家我係Single（單身）。」

壽星女Mandy翹埋雙手站在一旁，等Lupo為她截的士。
  • 壽星女Mandy翹埋雙手站在一旁，等Lupo為她截的士。
Mandy與Lupo早前被本報拍得甜蜜到超市買餸玩煮飯仔。
  • Mandy與Lupo早前被本報拍得甜蜜到超市買餸玩煮飯仔。

文、攝：追蹤組