無綫昨日於會展活動中發放藝員宣傳照給傳媒，不過有傳不簽約的佘詩曼、馬德鐘則沒有在內，在場的高層樂易玲解釋阿佘稍後會度期影，至於馬德鐘之前都有度一小時拍攝，但因進度問題影不到。說到馬德鐘年底約滿，她謂：「未呀！發緊夢呀！我好幾次都話同佢傾，但佢近排太忙都傾唔到。
（大陸有經理人搵佢傾？）我哋個個藝人都有大陸經理人挖角，如果冇咪好冇臉！」她又指想邀請不是經理人合約的黎耀祥影相，祥仔事後知道謂：「都傾緊，我係無綫基本合約演員，仲有兩年約，其實乜嘢合作形式冇乜所謂。」
