林峯連環桃花劫：好心寒

林峯昨日出席會展活動，之前與內地性感女星潘霜霜的床照曝光，他坦言心情還未平復，對於昨日網上又有指他與大陸女主持溫雅酒店密會，林峯聞言即謂：「唔好再搞，梗係唔係啦，嗰日做完訪問，成班工作人員一齊食飯，遠處有人影相我都知，我依家好敏感，聽到好心寒。」

拒回應逼婚

對於會否減少去大陸做嘢？林峯坦言這幾年想放多點時間開拓內地巿場，國語碟又剛剛開始：「冇辦法，都係照公司安排做，最緊要大家知我認真去做。」問到有指潘霜霜逼婚一事，他搖頭沒有回應。

昨日有傳潘霜霜會於另一攤位亮相，問會否怕對方出現眼前？他說：「唔會嘅！我都係過嚟做嘢啫，（仲有冇聯絡？）冇。」

陳豪冇避忌

無綫高層樂易玲被問到有否叫旗下藝人返大陸小心點？她笑言：「唔係藝人，警戒啲男人。（潘霜霜好似出嚟喎！）咪出囉！（林峯之前有否給你過目？）有，冇走漏眼，（信唔信佢借林峯過橋？）呢啲唔答，總之係冇走漏眼，（即係佢好好？）我唔答得，不過我不嬲都鼓勵阿峯拍拖。」

同場的陳豪被問到會否亂合照時謂：「其實嗰啲相冇乜嘢，好正常啫！唔會因為怕洩露而唔做。」當大家點名說廖碧兒時，他笑指是過往的女朋友。

文：影視組