周潤發膺觀眾票選影帝
《第五屆亞洲電影大獎》昨晚於會展舉行，周潤發與梁朝偉兩位好戲之人均攜眷出席，榮獲觀眾票選影帝的發哥更妙語如珠，不但揚言恨「獎」，更笑言「清水灣大把水」不用跟風搶鹽！
周潤發與發嫂陳薈蓮盛裝到場，憑《讓子彈飛》成功奪得觀眾票選影帝的發哥到場時笑言恨「獎」，他發揮幽默感說：「想攞呀，想攞兩巴掌！我啱啱拍完《大鬧天宮》返香港休息，因為清水灣大把水，所以我唔使搶鹽。我知日本地震令好多日本電影人嚟唔到，希望佢哋出年嚟！」而發嫂在大會指定高級用車Audi A7 Sportback及A8L前拍照時，不慎跣腳，幸發哥眼明手快扶實有驚無險。
嘉玲輸女配角
梁朝偉則與有份角逐「最佳女配角」的劉嘉玲到場，偉仔笑言：「你唔提我都唔記得佢有提名，（點慶祝？）攞獎先算，我對佢有信心。（《一代宗師》停拍？）我戲份已經拍晒，拍緊爾冬陞《大魔術師》。（太太投訴阻住造人？）冇阻到，佢都係演員，佢明白，唔會投訴。」
雖然嘉玲最後敗給韓國電影《下女》尹汝貞，但她照樣大方微笑拍掌，尹汝貞致詞則說：「多謝大會明智、正確嘅選擇，我唔會唔記得第一位搵我演出嘅導演，雖然佢逝世多年。」台灣帥哥趙又廷則從頒獎嘉賓鈕承澤手上接過「最佳新演員」，他說：「多謝戲中的兄弟和豆導（鈕承澤），作為新演員，我知我還有很多學習空間。」
徐帆榮升影后
姍姍來遲的章子怡與郭富城昨晚壓軸現身紅地氈，令頒獎禮未能準時開始，而疑似離罩的子怡對是否與霍啟山復合的提問，先扮作聽不到，繼而笑而不答。
此外，徐帆憑丈夫馮小剛執導的《唐山大地震》獲頒影后，而韓國男星河正宇則撼贏阮經天及發哥等強勁對手榮升影帝。
文：影視組