Alice B.拍寫真當JC透明
成為全城熱話的「FLASH Outline彩妝藝術互動展覽」昨日繼續舉行，百忙中抽空前來觀賞的第四代Canon廣告女郎Alice B.，自言寫真集會在內地及香港取景外，更揚言從不當警鐘胸Jessica C.（JC）為寫真集競爭對手。
香港首創唯一免費Tabloid Size時尚周報《Flash ON weekly》和多個國際級化妝品牌合作，以藝術角度打造具創意彩妝作品的「FLASH Outline彩妝藝術互動展覽」，昨日繼續在銅鑼灣時代廣場舉行。除了名模莊思敏、Alice B.，還有o靚模陳靜、陳嘉寶、鍾永慧，藝人楊愛瑾、董敏莉及連詩雅等到場參觀。
大讚作品水準好高
抽空前來的Alice B.說：「喺倫敦時都試玩過呢類妝，但效果始終都唔夠現場呢啲作品咁靚，我聽Flash ON呢個名好耐，行內都有好多人大讚水準好高，好值得睇！」計劃在香港及內地取景拍寫真集的Alice B.，到時會否全裸上陣？她說一定不會：「當然會着比堅尼，為咗有最佳狀態，我會抽時間做gym、跳舞操fit。（健胸運動？）哈！都會，但唔會節食，因為我太喜歡食嘢。（會否視可能會出寫真的JC做競爭對手？）從來唔會當佢係對手，大家style唔同，各自畀大家嘅嘢都唔一樣。」
莊思敏贊成妹拍拖
到場觀賞並大讚作品型格及創意高的莊思敏，談到妹妹莊思明單戀陳司翰一事，她說：「唔係咁慘嘛？唔覺佢唔開心，佢哋係好朋友。（陳司翰係妹妹理想男友類型？）高大靚仔屋企有錢，係女仔都鍾意啦！唔知點解妹妹成日咁多異性朋友，我同佢講既然成日畀人傳，不如搵個真啦！」之前她和張栢芝合演《無價之寶》，大讚栢芝親自煮五香肉丁炒烏冬，覺得謝霆鋒很幸福。
至於楊愛瑾直言很想和Flash ON合作外，留有長髮的她很想拍洗頭水廣告，是否緋聞男友永安太子爺郭永淳讚長髮好睇？她笑言：「哈，個個朋友都讚有女人味咗。」董敏莉則大讚作品十分華麗，又說早前因貧血而休息，稍後才復工。而自言愛藝術的連詩雅，喜見以藝術角度來創作妝容。
文：名人組