Rosanne大肚捧王菲遭猛踢
樂壇天后王菲在港舉行五場演唱會，連日來吸引眾多圈中人去欣賞，前晚腹大便便的Rosanne偕老公Derek、妹妹Race去捧偶像場，當晚林欣彤與緋聞男友胡鴻鈞、巨星幫吳業坤、王菀之、蔡一傑等也有到場。
視阿菲為偶像的2R，大讚個唱完美，Rosanne說：「最開心係同肚裏囝囝一齊睇偶像，好睇到唔捨得走！」她笑指囝囝在她肚內好活躍：「好似fighter，（睇騷時佢係咪勁郁？）係呀，佢對音樂反應幾大。」預產期六月的Rosanne透露醫生指她可能在五月早生：「我呢排瘦咗得51kg，可能做運動多咗，我都唔想太肥，因為想順產。」
林欣彤讚犀利
Race讚阿菲是完美的化身，她說：「佢啲歌得佢先唱到嗰種神髓，聽完佢唱歌唔敢做歌手，佢太有穿透力、感染力，聽佢唱《我願意》真係毛管戙好想喊。」林欣彤覺得難以形容王菲個唱，她說：「好犀利，令你聽到流眼淚，好欣賞佢嘅唱歌技巧，佢把聲靚到好似唔屬於地球咁，每首歌由心直接唱。」
王菲完成三場個唱後會稍作休息，日前阿菲在微博說「上火」，可能是熱氣，經理人陳家瑛馬上為她煲涼茶去濕。而阿菲早前在大陸的個唱有假飛，估不到香港也有假飛出現，主辦單位勸喻歌迷報警求助。
文：音樂組