伊健唔使人叫 喊晒謝YoYo
鄭伊健前晚完成紅館三場個唱，被歌迷熱情搞喊，並難得公開感謝女友蒙嘉慧（YoYo）當「賢內助」。前晚他沒唱舊愛梁詠琪的《Today》，不過就否認避忌，把一切責任卸給監製。
伊健一連三場紅館「Beautiful Day 2011演唱會」前晚結束，最後一場女友蒙嘉慧（YoYo）帶同伊健父母繼續台下捧場，好友古巨基、張智霖和謝天華夫婦等捧場。唱到尾聲伊健感動得多度落淚，鳴謝家人時歌迷大叫「YoYo」，伊健害羞笑了幾聲終開腔：「唔係你哋要求，我自己都要多謝YoYo。」頓時全場起哄，YoYo冧爆受落。尾場三度Encore唱到十一時三十五分，觀眾仍不肯離開，伊健惟有再度出場鞠躬答謝歌迷。
冇唱舊愛歌曲
慶功宴上問到是否已視YoYo為家人？伊健說沒想得太複雜，她很照顧他家人，讓他可專心工作。是賢內助？他笑言：「唔係嗰個字，我哋之間嘅多謝感受到就得。」被追問頭場唱舊愛GiGi歌曲《Today》，前晚沒有再唱，伊健說：「歌係陳光榮決定嘅！」記者取笑伊健「卸膊」，他笑言：「唔可以話卸，係跣落去啫！」
個唱反應好，伊健表示都想開Part 2，搵YoYo上台？伊健又耍太極：「女係錢國偉負責喎！佢口味唔同，要事業線好強架。（你即係話YoYo冇？）咁OK同強係有分別，我好似講多錯多添。」
文：音樂組