何傲兒地獄式減肥晒料
前港姐何傲兒、張嘉兒、與無綫藝員陳爽、沈卓盈昨日為Salome美容產品擔任模特兒，何傲兒為以最佳狀態出現，二月尾接到此工作，已開始地獄式keep fit，她說：「我哋分別着三套服飾，其中一套是比堅尼，需要騷肚皮，唔想咁肥見人，所以就接job後開始無乜食嘢，又做運動，行騷前飲齋啡，想保持最佳狀態。（有冇瘦到？）有，依家算見得吓人，但最肥始終係我。」
張嘉兒被問到有否為此而減肥？她笑言：「會早啲食嘢，而且拍緊劇，好自然會瘦。（怕唔怕四個人有比較？）個個都咁靚，大家都有唔同感覺。我哋平時好少有呢類打扮，大家喺後台不停自拍。」