鄭秀文信主得救 改臭脾氣變鄭四萬
鄭秀文（Sammi）目前身在雲南拍攝杜琪峯的新戲，跟過氣緋聞男友古天樂合作，安仔昨日揀好時機宣布跟Sammi復合，獨自公開「正印」男友地位，高調宣示主權，而Sammi至截稿前未有回覆。
據Sammi身邊密友透露，之前完全不知兩人復合：「Sammi一直對愛情好口密，佢冇同我哋班朋友講過，只係前排話佢係安仔同Michelle嘅第三者，佢好唔開心食咗咁大隻死貓！其實佢同安仔分手之後好少聯絡，直至Sammi復出、兩人又同一間公司至多接觸。」有指安仔利用Sammi做宣傳，該密友說：「好難唔畀人話，但最緊要Sammi開心，成班朋友都祝福佢。」
據知情人士表示，安仔一直疼錫Sammi，而Sammi亦勁冧安仔，當年兩人打得火熱時，Sammi經常跟安仔煲電話粥，非常黐身。其後兩人分手，Sammi患抑鬱後信主，由以往的「臭四」變為「鄭四萬」，跟舊友重建友誼，結果在朋友推波助瀾下，為復合埋下伏線。