王大業唔講超雲怕博宣傳
賭王何鴻燊三太長女何超雲前男友兼皮草業太子爺王大業昨晚出席「皮草之夜2011」，對於何超雲昨晚未有捧場，王大業說：「唔會成日捧場，大家係朋友，冇乜聯絡，間中短訊，大時大節問候吓。（約出街？）唔會，分開咗仲成日搵點叫分開。（因你有女友怕佢呷醋？）我冇拍拖，（超雲有拍拖？）我唔知，你哋問番佢。（復合機會？）唔知，我之前都咁講過，唔會收番。」他續說不想說太多免被指博宣傳，至於是否怕指像周柏豪般，他說：「我唔識佢，唔評論。」
同場行騷的張舒雅比較密實，她笑說：「泳衣job一定唔會接，但deep V都OK。」而莊思敏對於葉翠翠被指是「人工美女」並跟自己相似，莊思敏說：「咁衰架！我好差咩！佢當然係靚咗，可能係大家化妝手法似。」
