周汶錡嫁杏有期 高以翔飲喜酒冇尷尬

昨日台灣型男高以翔專程到港出席「Loewe 2011年Made To Order頂級定製系列發布會」，汪詩詩、童愛玲、溫碧霞及名媛何倍倩等到場欣賞由名模Ana R.、Jocelyn Luko及Amanda S.等演繹的Made To Order系列。

日前周汶錡默認和法籍男友今年好事近，早前被拍得在街頭親吻的緋聞男友高以翔，對此即一臉愕然，說：「我真的不知道，如果是真的，當然要恭喜她。（失望？）不會，這對她非常好，這是開心事。（會去她婚宴？）如果她請我一定去，（感尷尬？）不會，其實我自從上次合作後都沒有聯絡，（怕她男友誤會而不找她？）不是，我冇見過她男友，大家只是工作上的朋友。」

周汶錡	Amanda S.示範名貴皮草系列。	一眾模特兒演繹品牌的Made To Order系列。

詩詩指圓圓變咗

另外，汪詩詩被指替跟玩具大王蔡志明兒子蔡加讚拍拖的妹妹汪圓圓做媒人，詩詩聞言說：「唔係我介紹，（話你教妹妹揀男友？）我冇咁犀利，真係多謝晒。男女拍拖係要睇感覺，（外間指妹妹釣得筍盤？）我覺得兩個都好lucky，妹妹好乖，對愛情專一，依家佢搵到同佢一樣諗法嘅人，但依家個人變咗，少咗陪我，哈哈！」

汪詩詩笑指妹妹拍拖後少咗陪自己。

童愛玲因患豬流感而瘦了十幾磅。

童愛玲患豬流感

另外，明顯瘦削的童愛玲自言於上月初被確診患上豬流感，後更有肺炎，三星期內瘦了十多磅。「我同個仔都發燒，初睇醫生都唔退燒，隔咗一日再睇話我有H1N1，但個仔就冇事。醫生怕測試唔準，所以兩母子都要食特敏福，而我就要隔離，所以叫老公唔好返嚟。」

文：名人組