無綫藝人梁烈唯最近同羅仲謙、袁偉豪、王浩信等一齊拍劇集《飛虎》，一班猛男圍埋好自然會傾吓點做Gym操肌，加上戲入面有唔少更衣室戲份，可謂肉光四射，問唯唯覺得邊個啲肌肉最勁？佢就話：「其實個個都勁o架喇！不過謙仔真係好『凸』出，我同袁偉豪就線條比較靚！」
班猛男成日打大赤肋行嚟行去，難為同場飾演支援部隊嘅女將黃智雯，可能有唔少姊妹會羨慕佢成日「有肌睇」，不過智雯就鬼咁無奈，因為班仔夾埋調戲佢，唯唯話：「我、羅仲謙同王浩信分別同佢演過情侶，我哋問智雯會揀邊個做老公，又作狀攬佢！（佢唔尷尬？）唔會！我哋好老友，好似兄弟。」