鄭融性感出騷靠晒Mr.

鄭融及樂隊Mr.前晚舉行酒吧騷,鄭融以性感tube dress上陣,聲沙沙的她笑言無懼酒客造成混亂:「依家酒吧客人好多都好斯文,有咁多同事同埋保安,我覺得OK,靠Mr.保護我。」對於突然聲沙令她感到非常「離奇」:「晏晝綵排嗰陣都冇事,後尾仲做完三個訪問,一到場就沙聲,可能之前rock得滯,加上有少少感冒,好驚會影響演出。」

而Mr.表示騷前小酌一下玩得特別投入,主音Alan笑言:「我飲大咗就會唱爆把聲,同埋好多嘢講,長氣程度絕對可以同陳奕迅揮過!」