阿樂免洗怪癖做有味牛郎
余文樂自認養牛人，擁有二百多條牛仔褲，還有特殊癖好是唔洗牛仔褲。日前與「女友」何韻詩以不同造型拍攝牛仔褲廣告，man爆的阿樂化身售貨員時竟遇上男扮女裝「怪客」，惟有硬住頭皮熱情款待。
余文樂近年與好友何韻詩合作無間，抵死的阿樂還以「女友」稱呼阿詩。日前兩人再度合作拍攝Levi's新一輯廣告，兩人甫見面即雞啄唔斷，拍攝時甚有默契。型男阿樂化身售貨員時，卻遇上一名男扮女裝「怪客」，不停(目及)實及要求多多，問到有否遇對方騷擾？阿樂說：「我梗係服侍周到啦。（對方全程望住你？）少少梗有，不過我嘅眼神好堅定，細心聆聽佢嘅需要。」
擁有二百多條「靚牛」的阿樂笑言是「養牛人」，他說：「細個已經好鍾意着牛仔褲，唔好睇一條好簡單嘅牛仔褲，其實好多細節、貓鬚同摺痕位唔同。」原來阿樂有特殊癖好，為保持牛仔褲原有顏色及貓鬚痕竟然唔洗褲，他說：「要保留番原汁原味。（唔怕污糟？）唔怕，都唔係日日着住。」
化身粵劇名「菇」
而阿詩為配合大會主題化身粵劇名「菇」，獻唱高難度歌曲之餘更擺出做手，雖然有少許失準，但專業的阿詩最終順利過關，鬼馬的她更即興挑戰Beat-Box Rapper，引得全場捧腹大笑，並獲一眾工作人員大讚她擁有藝術天分。
文：音樂組