身為媽咪級的靚太邱李茂琪，有感現在的小朋友都過分被呵護和溺愛，儼如溫室小花不懂自己照顧自己和不夠獨立，她說：「啲人成日講嘅港童問題，我發覺真係存在，我以前9歲就跟學生團去歐洲，11歲就自己一個過美國升學；我啲小朋友就唔可以咁獨立，帶佢哋去金鐘叫佢哋自己返屋企，佢哋實唔識，連蛋都唔識得煎。」
所以她決定要好好訓練一對仔女，她說：「我同佢哋講，如果唔畀心機學好啲中文，暑假就送佢哋去北京讀中文，同埋會送佢哋去海外嘅學校讀啲短期課程，不過我會靜雞雞跟住佢哋。」
