JC荷里活發力狙擊Maggie Q

Jessica C.（JC）去年年尾到荷里活發展，可惜遇到感恩節及聖誕節，美國人處於休息狀態，她在當地只簽了經理人公司，未有落實的工作。之後一月份回港，工作依然接踵而來，在短短的兩個月，而且是淡季，她依然是搶手貨，不少活動都能見到她蹤影，還接了三個代言廣告。JC人氣旺酬勞當然加，今年頭兩個月的收入，已是上年半年的收入。

放棄日本市場

JC對此大感欣慰，亦十分開心得到大家賞識，她說：「大家對我咁好，我一定會做好啲，回報大家。」JC曾表示會到日本發展，被問到會否再闖日本巿場，她說：「暫時唔會，因為我覺得自己性格唔係咁啱日本，反而美國巿場會好啲，始終我喺美國長大，講英文，最重要係我好想試吓拍戲，我對拍戲真係好有興趣。」

JC工作多多，希望陸續有嚟！

Jessica C.返港兩月工作不斷，已經賺取到去年一半嘅收入。

好好把握機會

JC三月將再赴荷里活發展，她表示暫定逗留三個月，要視乎工作進度，但六、七月會返港，至於是否趕回港出寫真，她表示還未決定是否出寫真，因還沒抽到時間拍攝。被問到會否想如成功進軍荷里活的Maggie Q的成就，JC說：「我都好欣賞Maggie Q，佢喺香港做模特兒，之後到荷里活發展，依家成績又咁好，如果可以好似佢咁當然最好，不過最重要係機會，如果有好嘅機會，我一定會好好把握。」

另外，Jessica C.、周秀娜和台模林嘉綺三位有料之人，將於明日（25日）同場出席大慈善家莊友堅旗下的馬斯葛集團所舉辦的太陽能派對，眾女模將會進入布滿太陽能裝置的君悅酒店Ballroom內，感受一下「太陽引入君悅」的感覺。