黎耀祥自拆招牌撐徐子珊
徐子珊、黎耀祥、吳卓羲、張可頤及胡定欣等一眾《法證先鋒Ⅲ》演員，昨日現身將軍澳電視城出席劇集拜神儀式。對於被指拍劇時冇做功課累人NG，子珊淡定地作出否認，她自言是個認真的演員，新年期間即使病倒仍日日開工，而且事前一定做足準備，她說：「報道冇樣嘢真！當日拍到朝早六點幾，好凍又大風，係因為吹亂晒啲頭髮先NG，人之常情。（你多唔多NG？）唔算多！（對白難記？）我係演警察，主要講查案，我諗祥仔演法證人員嗰邊仲難。」
黎耀祥亦力撐每位演員都有熟讀對白，唔係一定「死得」！他說：「今次合作好開心，個個都後生仔女！（子珊多NG？）其實個個都賴嘢，因為劇本好難，錯一個字都唔得！我係天才都唔敢打天才波，我都NG呀！打爛金漆招牌！」
吳卓羲失iPad
至於吳卓羲則表示剛遺失iPad，事緣他在電視城如廁後竟將iPad遺漏在洗手盆邊，至翌日才發現，問到會否怕親熱照流出？他說：「冇呢啲相！（同舊愛啲相？）買呢部機之後都冇拖拍，懷念記喺腦就得，其實最貴重係啲劇本，要麻煩人download過。」
文：影視組