蔡楓華極速加場自認第一

蔡楓華昨日在好友盧敏儀陪同下，繼續以演唱會海報的黑超尖帽造型，到將軍澳電視廣播城接受無綫娛樂新聞台訪問錄影，期間盧敏儀不時細心地為蔡楓華整理衣衫，十分體貼。甫見記者，蔡楓華即主動表示有事要宣布，原來是演唱會將加開一場，他說：「第三場係報答盧敏儀、孫敬安同埋支持我嘅歌迷，相信我係第一個歌手咁快有咁嘅效果，不過呢啲唔係我個人，係成個team嘅成績。」

多謝盧敏儀

蔡楓華自言第三場的演唱會壓力很大，且透露尚未簽約，但強調自己是有「口齒」之人，一定會實行兼全力以赴，他說：「第三場爆唔爆我都開心、感動，對銷情唔擔心，最緊要係能唔能夠做好呢三場騷，我好多謝盧敏儀，今次係還我一世名譽、尊嚴、地位，唔係為錢而唱，唔怕講，我之前求過好多主辦商，但冇人肯做呢個騷，我心願係入紅館，幾多歲、幾時做都冇所謂。」

精神冇問題

訪問期間，都是蔡楓華主動「報料」，他再次強調自己不是憎記者，希望傳媒不要傷害他：「我實在太苦，精神係冇問題，望大家體諒、包涵，雞乸咁大隻字報道。」

文：影視組