呂慧儀笑爆與志偉緋聞
惹火尤物呂慧儀拍攝電影繼與黃秋生傳緋聞後，最近有份演出的電影《我愛HK開心萬歲》又被指得監製曾志偉寵愛，照顧有加，呂慧儀出席活動時更如女主人般陪伴志偉左右。呂慧儀接受電話訪問時回應：「呢單新聞好好笑，同志偉只係前輩同晚輩嘅關係，見面都係工作，我哋連單獨食飯都未試過。（日後可會避忌﹖）唔會喎，根本都冇嘢。」
與呂慧儀先後鬧緋聞的曾志偉和黃秋生同樣大罵報道黐線，正在廣州開政協會議的志偉說：「黐線，講嘅冇腦，寫嘅仲冇腦，依家喺廣州做緊正經嘢，未諗到點樣鬧寫嗰個住。」秋生則說：「黐線，噏得就噏，咁我都要講大啲喇，我收購埋無綫，開幾套劇畀佢，捧佢做女主角，畀佢做埋『視后』添。」笑爆與志偉緋聞