袁小曼被叫廖太冧出面

袁小曼前晚出席亞視舉行的《重慶經開周（香港）》發布會，日前，她遭男朋友廖偉強的太太指摘，指她言行過分，記者前晚以「廖太」來稱呼她時，袁小曼欣然受落，不過就高舉三隻手指發誓，指自己從來沒講過六月結婚。問她何時與廖先生正式結婚時，她說：「暫時係我哋嘅秘密，唔知點解會有嗰個時間傳出嚟，知道都會公開，（係咪對方未搞好離婚？）嗰日報紙都寫晒進度去到點，好肯定上年7月21日暫准離婚令係出咗，正辦手續，都好快。」不過，據知兩人將於今年十二月結婚。

黎燕珊只勸低調

有指小曼搬入貝沙灣與廖太一家做鄰居，她謂：「唔知記者點解check到我哋買咗貝沙灣，其實我哋攞嚟投資，（寫你名？）記者都check到啦！全部唔係我講，我好低調。」說到有指其男友經常「偷食」，她又力撐對方為人，指大家一起年多很清楚對方，又謂：「我唔需要問佢，兩個人心愛對方，要一定保護對方。」她又指結婚後會學投資，問她是否做少奶奶？她謂：「係呀！不過結婚先算啦！」

袁小曼受訪期間舉起三隻手指發誓，自稱從沒說過六月會跟男友廖偉強結婚。（資料圖片）

放大圖片

同場的仁美清叙會長黎燕珊被記者追問袁小曼被廖太公開批評一事會否影響該會形象時謂：「佢嘅感情事我哋唔會判斷，只會勸佢低調啲。」

有份出席的前屆亞姐冠軍姚佳雯身材玲瓏有致。	黎燕珊避談袁小曼與廖偉強的高調戀情會否影響仁美清叙形象。	盛品儒被問及戀情時耍手唔認呂晶晶。

盛品儒唔認晶晶

而傳與呂晶晶拍拖的亞視執行董事盛品儒被問及戀情時，即耍手笑謂：「今日只講呢個活動，其他嘢唔答，（唔怕晶晶失望？）冇，冇一齊，嗰啲係緋聞。」說罷便有工作人員拉開他。

文：影視組