勿以為香港宅男只愛胸湧水着妹，最近組合「糖兄妹」的糖妹（Kandy，圖）憑cute爆形象突圍而出，身高僅4呎8吋的糖妹只有32吋咪咪，論身材輸人一籌，但其可愛、得意形象卻深得網民歡心，唱片公司決定乘勢幫糖兄妹出台灣旅遊書殺入書展，跟o靚模搶市場。
糖妹接受電話訪問表示：「好開心可以喺書展出書，希望大家可以留意埋糖兄妹音樂。（旅遊書會唔會影性感相？）哈哈，自己好保守傳統，去游水都要加件tee，影相底線係短褲背心。（滿唔滿意自己身材？）係大髀粗啲，其他ok。」
