無綫藝員鍾嘉欣與陳錦鴻近日疑因拍攝劇集《九江十二坊》期間交叉傳染，相繼患上感冒，令《九》劇台前幕後有多人中招。
嘉欣對於被劇組稱為「鍾源頭」，她說：「佢哋講笑啫！唔會唔開心，我睇咗三次醫生，攞咗一日病假，上星期好番，但把聲到依家都未回復。」
陳錦鴻則謂：「我咁大個仔未試過失聲，失聲四日，終於喺初十一好番，我太太就初四發燒，醫生證實係豬流感，食咗特敏福，即刻退燒。（好番後戴口罩防中招？）冇架！我靠練氣功強身。」
