Kary烏龍中空寶尷尬爆笑
唱片公司金牌大風前晚於尖沙咀筵開十二席舉行春茗，旗下藝人晒冷現身，身為老闆的龐維仁自掏六位數字現金作抽獎，吳雨霏（Kary）為獎金竟忽然變身「Terry」，擺烏龍自認幸運兒，引得哄堂爆笑。
春茗上群星拱照，包括鄧麗欣（Stephy）、吳雨霏（Kary）、梁漢文、樂隊RubberBand、張繼聰等，至於方力申及鄭中基因身在內地工作未能出席，已請辭的黃柏高就隨同現任主席龐維仁到場。
張繼聰得獎金獎品
據知，龐維仁本安排在春茗上致送紀念品予榮休的前主席鄭東漢，未知是否擔心身份尷尬問題，鄭東漢以抱恙為原因缺席。不過，龐、鄭亦分別準備十五萬及八萬作抽獎及勁飲大賽獎金，抽獎期間，Kary誤將「Terry」聽成「Kary」跳起準備「領獎」，場面尷尬又惹笑，歌手中以張繼聰最好運，先捧着空氣清新機及後再被抽中5,000元大利是。
Stephy為小方留低
提到Stephy的半公開男友小方三月才返港，她否認感寂寞，還說：「不知幾精彩。（同小方父母拜年？）禮貌上都要。（咪過唔到情人節？）啋，乜咩過唔到呀！（有人空運禮物？）呢幾個節日都冇收到禮物，冇所謂啦。」
Stephy說與公司合約即將屆滿，正跟公司傾緊，她很想出國語碟，紅館開騷亦是目標，問小方是否令她留低的原因？Stephy說：「我好獨立，情侶檔形象好難得，希望繼續。」至於同在洽談中的Kary亦表示不心急，還有幾個月，問兩人可會一齊傾抬高價？Kary說：「都會八卦Stephy，同佢斟下。（之前留低同前男友洪立熙翻撻伏線？）大家都係朋友，情人節我哋冇搵，我同咗班朋友去睇騷。」
龐維仁就表示有信心留住兩女，他說：「大家重視發展路向唔係錢，平日個個都有傾偈，係朋友、大哥哥，我哋咩都傾。」提到前緋聞女友李嘉欣生BB，他即說：「今日講金牌大風。」
文：音樂組