模言狂寸 Hailey C.：賊喊捉賊！
石詠莉早前大言不慚地大爆o靚模「飯局名單」，可是她在前晚的活動上卻與其他o靚模緣慳一面，言語間更不欲多談，難怪新舊八模亦乘勢寸嘴！
Hailey C.：話唔定又有頭版出呢？
點解同場都見唔到佢？我哋唔介意同佢合照架，話唔定又有多個頭版出呢！其實單新聞已經唔係新鮮事，不過最奇怪就係有人「賊喊捉賊」啫！
Annie G.：係咪露「事業線」無晒宣傳功效？
原來佢喺度架？咩唔見佢嘅？不過如果係我講錯嘢或做錯嘢都要避人啦。佢咁樣做宣傳，係咪知道自己露條「事業線」已經無晒宣傳功效？所以要靠其他人搵嘢嚟講呀！
Suki Wong：宣傳手法比較「低檔」囉！
都知佢要宣傳首歌，但宣傳手法有好多種，開字頭嚟影射人就比較「低檔」囉！一係就開埋名，唔好等人估估吓，畀人冤枉去飯局好無辜架。