孫穎請父母遊日
有「鋼琴公主」及「琵琶公主」之稱的孫穎是孝順女一名，早前趁農曆新年與父母到了北海道旅遊，過了愉快而豪華的五天之旅，她說：「我哋去咗小樽、函館同札幌，仲遇正雪祭，真係好開心，今次三個人夾埋使咗十萬蚊以內，覺得好值得，我哋食咗好靚嘅和牛、長腳蟹，又入住擁有私人風呂嘅酒店。」
在今次旅程中，孫穎得到不少日本人的熱心幫助，令她對早前香港導遊與內地旅客大打出手一事十分感慨，她說：「我覺得雙方都有責任，我之前喺香港一間食店，見到有內地旅客食霸王餐，由於餐廳侍應國語唔好，搞到束手無策，我就出口相助，仲話已經影低證據，嚇到對方即時畀錢。」她笑言自己可充當旅遊大使呢！另外，在「尋找鄧麗君傳人全球大賽」中獲冠軍的侯小媛於日前特別前往孫穎家中拜年，感受本港的新年氣氛。